Parcè Fedora Workstation?
Afidabil
Ogni version e ven inzornade par cirche 13 mês e i inzornaments tra lis versions a son svelts e sempliçs.
Gratuit e privât
Cun Fedora, il scritori al è to! Al è gratuit, no son publicitâts e i tiei dâts a restin tes tôs mans.
Biel
Workstation al è curât cun atenzion par dâ une esperience di cualitât elevade. Il scritori al è net e ordenât.
Afidabil
Disvilupât in colaborazion cun progjets da cjâf. Provât in maniere rigorose. Supuartât di Red Hat.
Tecnologjie ae avanvuardie
Fat sù cu lis plui resintis tecnologjiis e mioraments che l'open source al met a disposizion.
Sfrute il plui pussibil il to dispositîf
Fedora al colabore cui produtôrs di hardware par garantî un ecelent supuart su di une largje schirie di dispositîfs.
Funzionalitâts par ducj
Aplicazions fantastichis
Fedora al ufrìs une fantastiche colezion di aplicazions che a sodisfin ogni esigjence. Instale dai dipuesits di Fedora, di Flathub o di cualsisei altri puest, lis miôrs aplicazions par scritori, cu la facilitât di un clic suntun boton.
Workstation al fevele la tô lenghe
In gracie di une comunitât globâl di tradutôrs, Workstation al è disponibil in tantis lenghis.
Sbasse lis lûs
Frache un interutôr par ativâ la modalitât scure e fâs polsâ i voi. Opûr dopre la lûs noturne par diminuî il lusôr dal schermi e judâ il sium.
Integrazion dai accounts in rêt
In maniere facoltative, cui tiei accounts in rêt, puarte tal to scritori i calendaris, i contats e i dâts in linie.
Util fin dal inizi
Fedora Workstation al inclût une grande schirie di utilitâts, come Orlois, Meteo e Mapis.
Ideâl pai svilupadôrs
La virtualizazion fate semplice
Scjatulis al elimine lis dificoltâts tal doprâ lis machinis virtuâls. Ti baste selezionâ il sisteme operatîf che tu desideris instalâ e la aplicazion e fasarà il rest.
Funzionalitâts di scritori che a aumentin la produtivitât
Dopre la modalitât prestazions par aumentâ la velocitât dal hardware cuant che ti covente. Disative lis notifichis cu la funzion No sta disturbâ. Frache il tast Super e scomence a scrivi par cirî ce che ti covente.
Contignidôrs pronts al ûs
Dopre i plui resints struments pai contignidôrs dal ecosisteme Red Hat. No covente nissune configurazion. Jentre tal regjistri dai contignidôrs di Red Hat.
Ducj i pachets che a coventin ai svilupadôrs
Ducj i pachets, i struments e i runtimes che ti puedin coventâ, inzornâts e pronts pal ûs cuntun singul comant.
Scomence a svilupâ cun Fedora Workstation
Vuidis pal svilup e la distribuzion di aplicazions doprant Fedora Workstation
Instale, inzorne e gjestìs cun facilitât i pachets software
Strument une vore eficient pe creazion, esecuzion e gjestion dai contignidôrs
Creât di personis come te
Fedora Workstation al è il risultât dal lavôr fat di dut il Progjet Fedora e ducj a son invidâts a partecipâ. Par savê cemût che a vegnin cjapadis lis decisions in merit a Workstation, visite lis pagjinis dal Fedora Workstation Working Group.
Chate cul grup
Partecipe aes discussions in merit a Workstation su discussion.fedoraproject.org/tag/workstation-wg
Segnale e discut i problemis
Fâs domandis e rispuint su discussion.fedoraproject.org/tag/workstation
Partecipe a une zornade di provis
Jude a mantignî la esperience cun Fedora fluide, eficiente e cence erôrs, partecipant a une zornade di provis
Jude i grups di progjetazion e de documentazion cun Fedora Workstation
Viert a ducj i colaboradôrs atuâi e potenziâi, ogni setemane - altris informazions achì.
