Forum
La etichete Fedora Server sul forum di discussion di Fedora, basât su Discourse, al è un puest perfet par metisi in contat cun altris utents e colaboradôrs di Fedora Server.
Comunitât
Partecipe a une comunitât di utents e colaboradôrs che si dedichin soredut a Fedora Server.
Fedora Server al è creât di un grup de comunitât dal Progjet Fedora clamât Server Working Group. Al è fat di membris uficiâi che a àn il podê decisionâl e di altris colaboradôrs. Par vê plui informazions su chest grup e su cemût partecipâ, consulte il sît web dal Server Working Group.
Canâi di comunicazion
Chat
Tu puedis chatâ cul Fedora Server Working Group o midiant Matrix o cun IRC: #server:fedoraproject.org su Matrix opûr #fedora-server su irc.libera.chat.
Mailing List
Il Fedora Server Working Group al publiche i ordins dal dì e i verbâi des riunions e al ten discussion te proprie mailing list ae direzion server@lists.fedoraproject.org.
Manieris par partecipâ
Segnale e discut i problemis
Tu puedis viodi, archiviâ e discuti i problemis di Fedora Server sul sisteme di segnalazion dai problemis di Fedora Server.
Partecipe a une riunion
Lis riunions dal Server Working Group a son viertis a ducj i colaboradôrs atuâi e potenziâi al/ai every Wednesday aes 18:00 UTC a #meeting:fedoraproject.org (viôt fedocal→server par inzornaments).
Events
Dulinvie dal an Fedora al organize varis events, là che si pues partecipâ di persone o in mût virtuâl, par savê di plui su Fedora Workstation e par cjatâ altris utents e colaboradôrs.
La conference anuâl dal Progjet Fedora
Flock e je la conference anuâl dal Progjet Fedora che si davuelç su plui dîs e si concentre sui nestris colaboradôrs. Di solit si alterne tra lis sedis europeanis e nordamericanis. La conference e da un lûc par cjatâsi e fevelâ muse cuintri muse. E je ancje un lûc par ringraciâ la nestre comunitât.
Il Flock di solit si ten a Avost.
La conference virtuâl dal Progjet Fedora
Nest al è il nestri Flock virtuâl che si davuelç di cuant che e je tacade la pandemie di COVID-19. E dure 3 dîs e si displee in conferencis, laboratoris, hackfests e events sociâi.
Incuintris di puartade locâl o globâl su Fedora
Hatch e je une serie di incuintris globâi su piçule scjale che a permetin ai Fedorans locâi di cjatâsi di persone tes setemanis prime de conference Flock / Nest.
Fedora Magazine al è un sît web che al ospite articui divulgatîfs e vuidis essenziâls realizadis de comunitât su software libar e a codiç viert che al pues zirâ o funzionâ sul sisteme operatîf Fedora Linux.
Il Community Blog e je une font sigure pai membris de comunitât, là condividi cun altris membris de comunitât dal Progjet notiziis impuartantis, inzornaments e informazions su Fedora.